Kaka'a ka Pōhaku, Uliuli ka Lā'au

Aloha nō nā lā u'i, ua hala. 'O ko'u wā e kamali'i ana, he wā nui ia o ka le'ale'a. He wā nō ho'i ia no mākou kamali'i e pā'ani ai a e holoholo ai a pō ke ao. 'A'ohe a mākou ha'awina e hana ai, a 'a'ohe a mākou mea e hopohopo ai. Aloha nō ia mau lā.

He mea ma'a mau iā mākou kamali'i o ke kaiāulu ke komo 'ana i loko o ka ulu kiawe e pā'ani pū ai, 'o mākou wale nō. 'A'ohe makua nāna mākou e nānā mai, a no ka mea, 'a'ohe wahi mea e hopohopo ai.

Ho'okahi wale nō o mākou kuleana, 'o ia ka ho'olohe 'ana i ka leo kāhea o nā mākua i ka wā o ka pā'ina awakea. I loa nō a lohe 'ia ua leo lā, 'o ko mākou ho'i koke aku nō ia i ka hale. Na ka hūpō wale nō ka ho'okuli i ia leo, a 'o kona noho pa'a ma ka hale a pō ia lā, 'o ia ka hopena o ia 'ano hana.

Ho'okahi lā, e pā'ani ana mākou ma kahi o ka hale o ke kanaka hana lānahu. He kanaka noho mehameha ia. 'A'ohe maopopo ka inoa a he ho'opāha'oha'o nō ho'i ke 'ano. 'A'ohe nnae mākou i nānā. Ua kupu maila ka mana'o e ānehe aku i ka palena o kona pā hale, kahi e hālōo ai i kāna mau hana āiwaiwa.

Pe'e ihola mākou ma hope o nā kumu kiawe e ka'apuni ana i ka pā hale. 'O ka nui o ka maka'u o loa'a pono aku mākou i ua kanaka lānahu lā, 'a'ohe wahi kani leo a puka iki mai loko aku o ko mākou waha. Inā nō e loa'a, e puhi 'ia nō paha mākou i ke ahi. Pēia nō ko mākou mana'o.

'O ia noho mū nō ia ma laila a pu'u ki'o ihola 'o Lopaka, kekahi o nā kamali'i. Hāwanawana maila 'o ia no kona pilikia a me kona mana'o e ho'i i ka hale e ho'opau pilikia ai. Hō'ole akula mākou i ia mana'o ona me ka 'ōlelo aku ho'i e noho pa'a a ho'i aku kahi kanaka lānahu ma kēlā 'ao'ao aku o kona hale.

Iā mākou e hāwanawana ana, pa'ē maila ke kani kapalulu o ko ia ala ka'a jeep. I ia manawa nō, holo pololei maila kahi ka'a jeep i o mākou lā me ke kuehu 'ia o ka lepo e puāhiohio mai ana ma hope mai.

Auē nō ho'i ē! Ua 'ike 'ia mai paha mākou e ke kanaka lānahu! Eia a'e ho'i ke holo mai nei no ka hopu 'ana iā mākou. Pau mākou kamali'i i ka ho'opuka like aku i ka leo 'alalī, "Aīīīī! Pau kākou i ke ahi!" Eia na'e ka mea 'āpiki. 'O ka nui o ke kani kapalulu o ke ka'a jeep, 'a'ohe wahi leo a lohe 'ia. Kā'alo akula ua ka'a nei i mua o mākou a 'o kona holo loa akula nō ia i ke ala e puka aku ai ma waho o ka ulu kiawe. 'A'ohe kā 'o ia ala i 'ike mai iā mākou!

Iā ia nō a hala, maha a'ela ka na'au a nā ihola nō ho' ka maka'u o kamali'i, koe wale nō 'o Lopaka. Ua hele nō a kaumaha lua 'o hope, a 'a'ole lawa ka manawa e ho'i aku ai i ka hale.

Hō'ā'ā a'ela kona mau maka i 'ō a i 'ane'i i wahi e 'ōku'u ai me ka 'ike 'ole ia mai, a no ka loa'a 'ole mai, wehe koke ihola nō 'o ia i kona lole wāwae me ka 'ōku'u pū 'ana iho. 'O kona ho'omaka ihola nō ia e ki'o i mua pono o mākou!

Kaka'a ka Pöhaku, Uliuli ka Lä'au

Aloha nö nä lä u'i, ua hala. 'O ko'u wä e kamali'i ana, he wä nui ia o ka le'ale'a. He wä nö ho'i ia no mäkou kamali'i e pä'ani ai a e holoholo ai a pö ke ao. 'A'ohe a mäkou ha'awina e hana ai, a 'a'ohe a mäkou mea e hopohopo ai. Aloha nö ia mau lä.

He mea ma'a mau iä mäkou kamali'i o ke kaiäulu ke komo 'ana i loko o ka ulu kiawe e pä'ani pü ai, 'o mäkou wale nö. 'A'ohe makua näna mäkou e nänä mai, a no ka mea, 'a'ohe wahi mea e hopohopo ai.

Ho'okahi wale nö o mäkou kuleana, 'o ia ka ho'olohe 'ana i ka leo kähea o nä mäkua i ka wä o ka pä'ina awakea. I loa nö a lohe 'ia ua leo lä, 'o ko mäkou ho'i koke aku nö ia i ka hale. Na ka hüpö wale nö ka ho'okuli i ia leo, a 'o kona noho pa'a ma ka hale a pö ia lä, 'o ia ka hopena o ia 'ano hana.

Ho'okahi lä, e pä'ani ana mäkou ma kahi o ka hale o ke kanaka hana länahu. He kanaka noho mehameha ia. 'A'ohe maopopo ka inoa a he ho'opäha'oha'o nö ho'i ke 'ano. 'A'ohe nnae mäkou i nänä. Ua kupu maila ka mana'o e änehe aku i ka palena o kona pä hale, kahi e hälöo ai i käna mau hana äiwaiwa.

Pe'e ihola mäkou ma hope o nä kumu kiawe e ka'apuni ana i ka pä hale. 'O ka nui o ka maka'u o loa'a pono aku mäkou i ua kanaka länahu lä, 'a'ohe wahi kani leo a puka iki mai loko aku o ko mäkou waha. Inä nö e loa'a, e puhi 'ia nö paha mäkou i ke ahi. Pëia nö ko mäkou mana'o.

'O ia noho mü nö ia ma laila a pu'u ki'o ihola 'o Lopaka, kekahi o nä kamali'i. Häwanawana maila 'o ia no kona pilikia a me kona mana'o e ho'i i ka hale e ho'opau pilikia ai. Hö'ole akula mäkou i ia mana'o ona me ka 'ölelo aku ho'i e noho pa'a a ho'i aku kahi kanaka länahu ma këlä 'ao'ao aku o kona hale.

Iä mäkou e häwanawana ana, pa'ë maila ke kani kapalulu o ko ia ala ka'a jeep. I ia manawa nö, holo pololei maila kahi ka'a jeep i o mäkou lä me ke kuehu 'ia o ka lepo e puähiohio mai ana ma hope mai.

Auë nö ho'i ë! Ua 'ike 'ia mai paha mäkou e ke kanaka länahu! Eia a'e ho'i ke holo mai nei no ka hopu 'ana iä mäkou. Pau mäkou kamali'i i ka ho'opuka like aku i ka leo 'alalï, "Aïïïï! Pau käkou i ke ahi!" Eia na'e ka mea 'äpiki. 'O ka nui o ke kani kapalulu o ke ka'a jeep, 'a'ohe wahi leo a lohe 'ia. Kä'alo akula ua ka'a nei i mua o mäkou a 'o kona holo loa akula nö ia i ke ala e puka aku ai ma waho o ka ulu kiawe. 'A'ohe kä 'o ia ala i 'ike mai iä mäkou!

Iä ia nö a hala, maha a'ela ka na'au a nä ihola nö ho' ka maka'u o kamali'i, koe wale nö 'o Lopaka. Ua hele nö a kaumaha lua 'o hope, a 'a'ole lawa ka manawa e ho'i aku ai i ka hale.

Hö'ä'ä a'ela kona mau maka i 'ö a i 'ane'i i wahi e 'öku'u ai me ka 'ike 'ole ia mai, a no ka loa'a 'ole mai, wehe koke ihola nö 'o ia i kona lole wäwae me ka 'öku'u pü 'ana iho. 'O kona ho'omaka ihola nö ia e ki'o i mua pono o mäkou!